طريقة لتزيين الكيكة بالتفصيل

طريقة لتزيين الكيكة بالتفصيل

هذه الكيكة وحطيتها على حاجة عالية علشان توضح الطريقة..



دي الادوات التي سنحتاجها..
سكينة مشرشرة صغيرة - سكينة كبيرة حامية - سباتيولا




اول حاجة حنشيل وش الكيكة علشان تطلع مزبوطة في الاخر بالشكل دا..



ونجهز الكريم شانتية ومهم جدا يكون مظبوط لا جامد اوي ولا سايح
وكدا نكون جاهزيين للتزيين...



حنجيب شوية كريمة ونعلم بيها الكيكة بالشكل دا علشان نرجع كل طبقة فوق التانية زي الاول وبكدا حتكون التورتة مش مايلة ..



وبعدين بالسكينة الصغيرة نعلم على الكيكة داير ما تدور مسافات متساوية
بالشكل دا...



وبعدين بالسكينة الكبيرة نمشي مع العلامات ودي اول طبقة قطعناها..



ونكمل التانية بنفس الطريقة..
وبعدين نبدا باول طبقة نسقيها شربات..



ونحط طبقة كويسة كريم شانتية وممكن كمان صوص شيكولاته..



ونحط الطبقة التانية ونضغط عليها بالراحة علشان سطحها يكون متساوي..



ونكرر نفس المرة الاولى..



ونحط اخر طبقة من الكيك ونضغط بالراحة..



دلوقتي عاوزين نغطي التورتة بالكريمة ودا اكتر سؤال بتسالوا عليه..
اول حاجة نحط كريمة على الوش ونجيب السباتيولا بالشكل دا..



نحاول نساوي الوش وبعدين ننزل على الاطراف..









ونكمل لحد ما التورتة تبقى بالشكل دا..






مكونات صوص الشيكولاته:
1 ونص كوب نسكويك - 1 كوب ماء - نص كوب سكر
معلقتين زبدة - معلقتين عسل جلكوز - ربع كوب شيكولاته
(ملاحظة يمكن استبدال عسل الجلكوز بالعسل الابيض)


الطريقة:
نحط السكر على النار لحد ما يعمل كاراميل وبعدين تضيفي المية
ولما يدوب كل الكاراميل نضيف النسكويك ونقلب وبعدين عسل الجلكوز والزبدة
ونخليهم على النار شوية و نطفي ونسيبها تهدى شوية
وبعدين نضع الشيكولاته ..
وحتبقى بالشكل دا..



ونحط الصوص وهو بارد على التورتة الباردة



وبعد ما غطيتها كويس جبت شوكة وعملت بيها الجناب..



وباقي التزيين حسب ما تحبي
انا بشرت شيكولاته وزيينت بيها الوش زي كدا..










ان شاء الله يكون الموضوع عجبكم وتستفيده منه
في امان الله

منقول للفائدة