نجي الحين لاافكار رائعه تستخدميها للسونا
وانا جالسه بالخيمه استخدم اداة المساج من بودي شوب
على فخذوي وساقي عشان تتحرك الدورة الدموية
واسوي مساج على وجهي بحركه دائريه خفيفه
واذا تبين يطلع لك ريحه حلوه بعد الحمام السونا
انا اضيف مع الماي الخاص بالسونا ماي ورد
او احط كم قطرة دهن عود او زيوت من زهور الريف
مررره روووووعه يعطي الجسم ريحه تجنن
وفيه بعضهم يحط شرائح الليمون صراحتن ماجربتها
تنحط على مصفاه الترمس مال السونا راح تشفونها بالصور
نجي للشرح التركيب
نطلع الادوات من الكرتون
اللي هي الخيمه - المنفاخ الكهربائي - الترمس - الخرطوم
طبعا مافيه كرسي انتي اشتري لك كرسي لحاله او اي كرسي بالبيت
اول شي نفتح الخيمه لانها بتكون ملفوفه
ونجيب سداده الخيمه ونحطها بالفتحه طبعا هالفتحه حقت دخول وخروج الهواء
نجيب المنفاخ الكهربائي وندخله على سداده الخيمه
نشبكه بالكهرب ونشغل المنفاخ على طول راح ينفخ لك الخيمه
هذا شكل الخيمه بعد ماانتفخ
نجيب الترمس طبعا فيها مصفاه اذا حابه تحطين شرائح ليمون او اعشاب طبيه شي راجع لك
نعبي فيه الماي وفيه المقدار اللي اخر حد يعبئ فيه الماي
صورته لكم وحاولت اقرب الزوم عشان يوضح
نوصل الخرطوم مع الترمس هذا شكله
بعدها نشبك الخرطوم بالخيمه فيها فتحه من تحت ندخله فيه
ونشغل الترمس هذا العداد حقه اول ماتفرين بالعداد راح يشتغل اللمبه
ويقعد دقيقتين تقريباً بعدها يبدأ يطلع بخار
لاتفتحين الغطاء حق الترمس وهو قاعد يبخر خطر عليك حراره لو جاء مباشره
واذا تبين تعرفين متى خلص الماي بالترمس لما تنطفي اللمبه ينبهك انه خلص الماي
بالنهايه اذا خلصتي من حمام الهنآ وكل شي
نشفي الخيمه عدل بعدين روحي لسداده الخيمه وفكيها راح تنفش ولفيها وبس
ان شاء الله يكون شرحي واضح
واللي عندها طريقه تسويها بالسونا تحطها
طبعا الموضوع خاااص لمنتدى كويتيات
ومااحلل النقل الا بذكر المصدر وبدون تحريف بالحقوق
لاني تعبت وانا اسوي الموضوع
ادعو لي ان ربي ييسر أموري ويحقق اللي فبالي
ليست هناك تعليقات:
إرسال تعليق